[考試期間]吊頸都要透下氣+隨筆

話說小弟嘅考試已經過左一半

距離放假不遠了~

--------------------分隔線--------------------

記得中學時有位老師同我地講考試溫書
其實同讀書機器無分別
溫到攰就去瞓陣 起身再溫
咩電腦手機都唔掂諸如此類
(其實筆者唔係好認同 但並非此文重點 暫先忽略)

今次筆者就唔係溫溫下瞓覺
而係走左出去輕鬆下 (哈哈)

---------------------分隔線---------------------

實情係小弟係廚房望出去嘅時候
見到Tesco出面塊大草地無lala有條充氣sur滑梯同其他booth
本身同數學搏鬥緊嘅小弟就(用手機)上網睇下咩event
然係發現個活動去到四點
而當時三點半 筆者就同Flatmate表示:
着衫行啦喂

就係呢條啦~

死唔記得叫咩名tim…

仲有現場Band wow
(後來發現B&W係音響公司)

仲有一條好明顯係比小朋友玩嘅Bike track

小弟表示:理得你

其實我寧願返屋企拎我架垃圾Hybrid出黎…
坐又踩得辛苦 企又難balance

由於時間關系其實好多Booth都預備收工
另外有玩嘅另一項

唔好吐糟我Posture
我淨係係鯉魚門渡假村玩過炸XD

話說係要比錢玩
而雖然標價係3鎊半 12 arrows
但係後來筆者睇相先發覺自己玩左唔止12支…
手上1枝加箭筒12枝就已經13枝
仲有額外兩支係呢到…

errrrr......

(由於Youtube同Chrome嘅不穩定因素 如睇唔到請按這裡)
其實個Staff咁做係為左解釋呢種運動其實相對係安全

打落唔痛 

好一個以身作則(誤)

然後筆者玩完就返屋企繼續同數學搏鬥

----------------------分隔線---------------------

生活雜事

話說小弟係某雜貨店買左舊嘢返黎玩

我真係好無聊

隔山打牛!!

長期擺放嘅Good

繼Water boiler, 洗衣機封膠後
我地又幫間房換新花灑頭
(據聞我地Move out之後會換地毯)

朋友話唔想透露身份wor...

當日係筆者同朋友係音樂鋪玩左幾轉(bass,keyboard,鼓…)
然後朋友買Pick 嘅經驗(雖然呢面買pick本身都貴)
事後問返朋友講嘅相容性係咩
其實朋友想表達嘅係 係商業世界當中
有時候職員可能想做一D比較有人情味or唔影響公司形象而幫助到顧客嘅舉動
但係有時可能受制於公司政策所限而未能作出

筆者就唔係講商科嘅 但講起人情味就回憶起一段經歷
回到中四年代 由於學校距離灣仔公園足球場只有幾分鐘嘅行程
每星期一(好似)嘅晏晝一大班朋友都會一齊攻占附近一間粉麵舖
然係踢陣波就返學校(試過跑返去)
由於舖頭本身已經細 我地又人多
正常一張6人檯可以坐到10個人
而吸引到一班後生仔嘅除左實惠嘅價錢同份量外
就係同一個店員嘅互動
你嗌佢_街仔 佢又回敬返你一句你地班_街仔
久而久之培養左一份感情
試過有次嗌左碟炸魚皮
佢放低講左句：我嘅
亦試過無嗌菜佢又放低左碟
朋友要凍啡少冰少甜 水吧執錯佢唔單止換
仲寸返水吧幾句

雖然後來中五大家都要備試呢個午間運動時間就無左
讓愛與和平佔領麵舖嘅行動次數同人數都愈黎愈少
呢位仁兄都無係呢間舖頭做
但係你會記得個一份情
個一碟炸魚皮背後嘅人情味

至於現今有人情味嘅地方買少見少
到底係咩緣故?
究竟係舖租貴 奸商要賺到盡 公司政策 定係土地供應問題?
定係我地將呢一份情視作平常 忘記要去珍惜?

--------------------分隔線--------------------

唔小心隨手寫左長篇添…
回應返開頭個老師講嘅嘢
其實筆者相信個位老師會作出一個咁嘅建議
都係明白社會同學界嘅現實
並唔係如當時某位同學所講嘅on9 食古不化
(至於最後個位同學就真係on9左…)

係香港嘅填鴨式教育下 可謂扼殺學生嘅個人成長
即使有所謂求學不是求分數
現今嘅教育制度下 教師要係授課同時處理考試,學會事務等等
教育制度亦瀰漫一種追求分數嘅氣氛底下
除左部份有充份資源同配套嘅學校
一般學校都難以係求學求分數同時顧及學生發展
至於運氣預唔預到好老師呢D 就無話可說
連本身填鴨式教育嘅發源地德國都盡力改革緊呢一種教育
明白其禍害後避免影響延續至後代嘅同時
究竟香港教育界係真係無知 定係視而不見
抑或無力變革?

另外其實溫書溫到咁上下離開書本
適當放鬆下個人其實比起死讀書
筆者認為更佳

--------------------分隔線--------------------

後記
其實呢篇文本身打算落完相就收手
點知唔小心變左後半長文

下一篇預定會係6月中(考試後)