[深夜文] 打工感想

前言
(土下座)十分對不起!
上一篇文已經係兩個禮拜前嘅事
原因其實就係之前嘅時間筆者都返緊Part-time
然而返緊嘅地方缺人
所以我返Part-time嘅時間都比較長
雖然有Off day 但係大部份時間都用左係瞓覺上 =P
(打到呢到筆者聽緊Viva Happy, 我心諗真係睡眠時間有8小時…)
難得聽日off就趁而家打返篇文啦

------------------------分隔線------------------------

點解要打工?對於中學生黎講會係搵外快
DSE後考生可以係當工作經驗(即係筆者)
大專嘅可能會當幫補學費或者當零用
出黎社會嘅可能係搵飯食甚至養家供樓養車

至於大家比較常見嘅應該就係一眾食肆或者便利站嘅Part-time
(筆者就試過特燈放工仲要走去西環某快餐站「探」朋友)
但係筆者個人對於返便利站要賣煙酒一點不太喜歡
雖然食肆包Lunch某程度上份糧會多左
不過日日食都係個D 筆者寧願出街食
再基於之前五月頭比較忙
所以本來打算之後先搵工
然而呢個時候就有朋友問
有一份係教育中心嘅半文職嘅工作 有無人有興趣
(即係會幫手打data/開invoice/執場/雜務)
雖然要過海但係近地鐵站 於是筆者就膽粗粗話試啦
然後第一個令筆者呆左嘅就係要sent左CV先(+第二日interview)
…我有咩可以寫呀LOL
雖然咁講最後都係做左出黎

Interview內容…飛過

結果就係約左之後返工(這是甚麼交代喂!)

------------------------分隔線------------------------

暫時份工都返左兩個星期左右
絕對係學到唔少嘢
更好笑嘅係班同事 (LOL術語:Troll嘅)
有位同事成日講錯字 例如「濕」毒紙巾 (消毒紙巾 )
仲有嘅係…

相信正常嘅你 會見到漢字「珈啡」
…你話比我知點先可以睇到「嗎啡」
(P.S. 同事包括本人一致認為呢盒係珈琲味龜0膏)

其餘仲有好多不在此盡錄 否則笑死大家唔關我事

------------------------分隔線------------------------

另外一樣就係 筆者返嘅地方係彌敦道某一度
因此絕對唔愁搵唔到嘢食
反而要煩諗食咩
只要行幾條街連茶餐廳仲多過7仔同Circle
雖然咁講筆者嘅食飯時間有限
因此真正「搵食」嘅次數唔多(仲要睇銀包做人呢)
但係區內有間傳統油渣麵舖
…我入去食牛腩麵XD
食完唔夠再叫腸粉(食到人地收工叫我埋單先)

(你瘋了嗎? …我是)

當然都有入過茶餐廳
不過唔好好問我邊間 我係行到邊食到邊架
雖然咁講我記得煙廠街有間老餅舖
7蚊3舊香蕉糕我幾鐘意
得閒試埋其他嘢(紅豆煎餅etc…)

…太多嘢揀啦

------------------------分隔線------------------------

當然呢份Part-time嘅involvement去到開學(甚至我暑假開始返UG嘅時候)
會比而家少
畢竟Interview時Manager問我之後打算
我都係會考慮繼續升學(IVE都唔收咪繼續返lor =P)
但係如果你問我Grad完出黎or even輟學打工
之後先讀書或者進修
我會答你除非家庭有需要或者你真係考試全U
否則我希望各位未考嘅同學唔好以此為目標
相信有人比我打工經驗更多
咁大家應該比我更明白返工嘅辛苦處
我無意貶低任何人
但係多張沙紙總好過得張係鬼有入場寫下字就有嘅cert好
我個人認為某程度上香港係一個睇分多過睇人嘅地方
想象下In U表現好 但係得33223 會唔會真係收你?
我唔會話無可能 但係機會極微
但就正正係一個咁嘅狀況下 我相信軟實力比硬實力更重要
成日見到報導僱主投訴90後返工表現唔理想甚至差
我認我有遲到過 但係我認錯 我改
我唔希望人地見到我係90後所以有偏見
而係用我嘅行動為90後出口氣：90後也可以打好份工
當然要學習的還有很多

------------------------分隔線------------------------

總結

…聽日(四)off但係後日(五)返早 夜晚考First aid
希望240蚊1take過  St _ohn 真係好昆水…

另之前介紹過嘅顔本耽溺ガール同一Album另一作抑圧錯乱ガール  
Nico出左MV
有興趣睇下(但係Youtube轉載畫質好D)
最後其實我有時唔係好鐘意Nico d翻譯歌名
無左神緒(特別係顏本耽溺(原)vs沉溺面書(譯))
(所以有時我係去日版睇嘅…)

最後隨心地送上筆者聽緊嘅歌 紅一葉
(Nico: http://www.nicovideo.jp/watch/sm7155972)
おやすみなさい (晚安)