簡而言之 筆者將會於九月尾離開香港
到英國讀Foundation 再嘗試銜接Year 1
感謝各位同學 朋友 Officers NCOs Cadets 一直以來嘅支持
以下長文慎入
-------------------分隔線--------------------
筆者主要有3個出國嘅理由1.機會
筆者原先計劃係打算搏JUPAS offer/IVE HD
結果雖然夠分claim到HD offer
然而係DSE嘅分數 中文2左 但係有4嘅英文
除左話係意料之外 亦令筆者見到一個可能性
與其留係香港 兩年後又要再「爭」一次
何解不轉換一下讀書環境?
至少筆者比較過後
係香港讀完兩年HD再兩年top-up 同 Foundation year +3 year degree
香港呢條出路對於筆者 係一片迷惘
而且要兩年之後再爭取到自己興趣以及有認可嘅Degree
反之Foundation year之後銜接上Aerospace Engine/其他Engineering科目
能夠給予筆者更清晰嘅方向同目標
2.環境
筆者所講嘅環境主要有兩項：讀書(教育)環境，社會&生活環境
先講讀書/教育環境
香港現時主要教育制度其實簡單D講 就係求分數
要判定一個人嘅能力需要一D客觀而實際嘅標准
再根據其水平給予相對應等級及分數
呢一個制度 名為「考試」
考到高分 學生就相對能獲得一個得到學業 名譽上嘅優勢
甚至能為學校增光
但係請大家記住 更重要嘅應該係教育
教育一字educate/education
來源於拉丁語 ēducātiō，意思是「引出」
正正同考試教育相反
考試教育嘅結果就係分數，模式就係考試
過程就係課程同練習 係將本來不屬於受教育者(學生)嘅知識同技巧
教授或者有所謂「填鴨」地教比學生
然而教育除左將學生未學過嘅知識教授之餘
更重要係協助學生有效地運用不同知識同技巧
以及更進一步嘅個人成長同德育發展
以上係大家都明白嘅理由 然而係社會上有幾多人做到?
為左一個高分 捨棄嘅有幾多?
然而我地低分嘅背後 又唔通真係一文不值?
考試高分不等於一切 分數不應係判決一個人高低嘅唯一標準
然而筆者認為係現時社會 教育制度已經變質
傳統式教育的確不合時宜 但係傳統教育嘅理念有幾多人明白?
對不起 筆者接受不到一個求學求分數嘅社會
另一個就係社會&生活環境
相信一般人對大學或者大專最深印象嘅
並唔係有咩研究或者Project
而係對於社會、政治事務嘅參與同行為
當中表表者就係學民思潮
佢地嘅行為相信毋需筆者多講
而筆者只能夠話 對於呢一班年青人嘅言行
筆者十分佩服 但係對於部份行為 筆者不能認同
而近年嘅趨勢 大學大專幾乎同反政制 社運劃上等號
你唔參與 唔發聲 就係政治冷感 對社會漠不關心
咁讀書呢?研究呢?
以往 呢D只可能係小數
但係現在 似乎逐漸成為主流
筆者並非認為大學生參與社運等行為係錯嘅
而係筆者感受到 香港嘅大學環境已經唔能夠讓筆者安心讀書
個人角度出發
筆者唔敢話自己好成熟
但係係3年高中生涯,6年制服團隊參與,以及其他嘅經歷
筆者對於好多嘅已經睇通睇透
但同時亦好疲倦
假如筆者本地升學
未必能夠將精力放係學業上
結果可能同DSE result無分別
倒不如放手一搏 破釜沉舟
捨棄係香港嘅一切 重新建立自己
(好中二的感覺…)
3.其實講左好多年
屋企人從前係英國居住過
有神嘅帶領 亦有好多經歷
而家人從筆者小時已經講
「第時你一定要去一轉英國」
筆者亦都承諾過 係會去
只係一直都尋找唔到一個接合點
所以而家算係履行承諾吧
-------------------分隔線--------------------
首先回應9成人嘅問題英國?有米啦
其實借咪有囉 睇你有無心還 同埋有無決心
其實成件事由0到落實 同搞手續歷時一個月
最深刻嘅係已經感受到神嘅帶領同保守
唔係14號有Expo我唔會去睇
無人打比我 唔知D form可以交比agent
IELTS祼考過關
感謝神嘅保守同帶領
以下落黎係給大家的說話
To 昭
無你 我都無今日
我地兩個從前嘅最佳拍檔
而家都有各自方向
忘記背後 努力面前 向著標竿直跑
希望有幸睇到你編嘅劇
P.S. 欠債還錢
To Ray Lui (希望你睇到,麻煩廣傳)
由中一開始識你
可以話係羈絆?
希望你嘅努力得到回報
同時唔好忘記自己嘅喜好同興趣
期待有日同人場見到你作品
To 6A 同學們 & DSE friends
成績如何大家心裡有數
相信大家嘅前路都各有不同
然而我相信大家都有自己嘅方向同理想
Plan & Execute, and go get it
出國唔一定每個人都啱
香港亦唔一定衰到貼地
條條大路通羅馬
To ACC colleagues
首先感謝各位Officers,NCOs & cadets
無你地 唔會有今日嘅Cpl LEE
103唔會多個PAI
To Officers
感謝多年黎嘅教導同包容
每一次同每位Officer相處不論長短都令我獲益良多
Special Thanks to Alan Sir, Vicky Ma'am, Pena ma'am, Sunny sir and HB sir
103 NCO Team
首先要再講聲對唔住
特別係炒 知道你等我等到頸都長
但係始終每個人都有自己嘅路要走
ACC亦有其限制
7人組雖然一齊共事時間唔多
但係十人十色 每個都有各自發光發亮嘅方面
衷心祝願各位有美好嘅前程
All NCOs
有D可能只係合作過一兩次 一個camp嘅partner
甚至只係service入面擦身而過
又或者係我識佢 佢唔識我嘅地步XD
然而每位對我黎講都係學習對象
亦都係戰友
特別鳴謝 ex-CWO Ruby,(N年前嘅)Cpl 張錦泉, FS Carmem, Cpl YA
103 Cadets & Others
Senior嘅跟我耐嘅 我要講唔多
教嘅教哂 講嘅講哂 希望見到你地成長
早日成為Backbone of 103
至於其他 希望大家繼續努力
運用係ACC學到嘅知識同技巧
記住 知識學左係你自己嘅 無人搶得走你
勇者們 & 機友 & Vocaloid3人眾
再見亦是毒Ling 擁有相同愛好嘅勇者
終有一日再會 另外記住世界上有樣嘢叫Facebook同Wtsapp
P.S. 177支部嘅風紀委員你地D袖章呀呀呀呀呀呀......
希望英國有PDA
再唔係自制=P 最多返黎要多幾日pick up姐
各人雖然前路不同
相同喜好一定會再次將我們聚集在一起
另外Sam Chan之後麻煩你托管了www
..........希望唔好GW都執
恩賢同事們
雖然相處只有大約4個月
卻令我個人獲得全新經歷
亦親身體會到職場
另外再次多謝Joyce介紹
以上如有遺漏 敬請原諒
總括而言 多謝大家一直對小弟嘅支持
-------------------分隔線--------------------
後話 最近筆者好鐘意一個英文字:consequence (後續/結果)
鐘意嘅原因在於筆者明白呢個字 但係好難以言語表達
同Result結果 唔同
一個決定嘅結果(results)可能好好，但係其後續同影響(consequence)可以足以覆蓋其利
Result出左就代表事情完結 而consequence即使有左result 仍然可以有影響
究竟筆者出國嘅結果會係點？
真係如涼宮大神所言
すべては God knows
(全部只有 God knows)
